“Cunqueiro e o Dicionario Infernal de Collin de Plancy”, Félix Castro

Dicionario Infernal de Collin de Plancy

Iniciamos nova categoría no noso blog, para ir publicando  traballos que temos feito relacionados cos libros do demo, o Ciprianillo, a busca de tesouros, e ocultismo galego. Materias  moi apaixoantes e nas que sobre todo Félix ten afondado nos últimos quince anos, acadando a que posiblemente sexa a maior biblioteca de grimorios antigos e libros afíns da península.

Para abrila, presentámosvos a comunicación “Cunqueiro e o Dicionario Infernal de Collin de Plancy” de Félix Castro.

Esta comunicación foi lida no Congreso “Mil e un Cunqueiros” organizado polo Consello da Cultura Galega en colaboración cas universidades galegas, e que tivo lugar en Compostela do 28 de setembro ao 1 de Outubro de 2011 (o texto correspóndese ás preactas publicadas en cd).

Para quen non o saiba, o Dicionario Infernal do francés Collin de Plancy foi un dicionario enciclopédico de ocultismo e crenzas populares, precursor para moitos dos estudios etnográficos e antropolóxicos arredor das relixións e crenzas populares. Publicado por primeira vez en 1818, tivo máis de seis edicións en francés, ata 1863, cada unha diferente á outra en contidos e extensión. A primeira edición en castelán foi a dos Irmáns Llorens de Barcelona en 1842.

No ano 2007 Félix escribiu un artigo sobre as edicións en castelán do Dicionario Infernal para a Revista Hibris de bibliofilia do amigo Pepe Grau. É unha obra moi interesante na que mergullarse.

Álvaro Cunqueiro, xunto con Joan Perucho, foi un fervoroso devoto desta obra, igual que anteriormente a eles foron Charles Nodier e Víctor Hugo.

Na comunicación, dende un enfoque ameno como fai habitualmente,  tentou salientar paralelismos e influencias do Dicionario Infernal na obra de Cunqueiro, con non moito éxito, xa que semella que Cunqueiro só coñeceu a reedición da editorial Taber de 1968 feita polo seu amigo Joan Perucho. 

Benvidos ao lado escuro das nosas investigacións

Para saber máis:

– Congreso “Mil e un cunqueiro” no Consello da Cultura Galega

http://www.consellodacultura.org/cunqueiro2011/?page_id=24

-Enlace directo para descargar as actas (moi recomendables)

http://www.consellodacultura.org/mediateca/extras/preactas_cunqueiro.pdf

Advertisements

About Castor e Felix Castro

Músicos e investigadores en patrimonio musical e etnográfico galego
Esta entrada foi publicada en Libros do demo. Ligazón permanente.

One Response to “Cunqueiro e o Dicionario Infernal de Collin de Plancy”, Félix Castro

  1. Pingback: Edicións españolas do Dicionario Infernal de Collin de Plancy | Cástor e Félix Castro. Arquivo Castro Vicente. Música Rabeosa

Agradecemos os vosos comentarios

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s