Arquivo por etiquetas: Magia

Exposición San Cipriano no Etnolóxico de Ribadavia

Parece que non fai tanto e a exposición xa leva instalada no Museo Etnolóxico nada menos que dende Novembro de 2020. Podédela visitar ata o mes de decembro de 2021, quedan apenas un par de mesiños, non faltedes!

Podedes conxugar a visita coa asistencia a algunha das conferencias. E estáse a ultimar un magnífico catálogo, inzado de magníficas fotografías e información que dará moito que ler e falar.

(Fotografías xerais da exposición de Xosé Lois Vázquez, e detalles por Mark Ritchie)

Nuevo libro: «Grimoire du Pape Honorius avec un recueil des plus rares secrets». A Rome, 1760

Comprácenos anunciar que vimos de publicar o 3º libro da colección Scriniu, Mira Librorum.

Trátase dun libros de maxia franceses máis destacados de entre a gran cantidade de grimorios publicados en Francia dende o s. XVII ata os nosos días.

O Gran Grimorio do Papa Honorio, atribuido por Eliphas Levi ao Papa do século XI Honorio II,  foi considerado por grandes coñecedores da maxia cerimonial como un dos máis meritorios dos que se publicaron polos coñecementos máxicos que nel se contén. Tamén foi o grimorio máis popular entre os labregos franceses xunto co Petit Albert. Existen edicións europeas desta obra dende o siglo XVII.

Este exemplar en cuestión que reeditamos é a obra que publicou Simon Blocquel (1780-1863), famoso libreiro-impresor de Lille  (Francia) en torno a 1840, aínda que consigne na súa portada como lugar e data de impresión ficticios Roma, 1760.

Trátase dun oitavo menor, en cartoné, de 5×13,5 cm. Conta con 107 páxinas, máis 17 páxinas de adiciónes insertadas despois do índice, máis o frontispicio, páxina do título coa data 1760, e diez planchas a cor de época.

Coma sempre, fixemos unha versión en libro electrónico, con índice, OCR, e outras dúas versión en tapa branda: impresa a cor ou ben en branco e negro, respetando o tamaño orixinal.

Este prolífico editor, que publicou baixo numerosos pseudónimos, perfeccionou os sistemas de impresión da época e editou todo tipo de tratados, incluindo numerosa literatura máxica. Os grimorios de Blocquel gozan de xusta fama entre os coleccionistas tanto pola calidade da súa impresión como po contenido das súas obras, converténdose en verdadeiros clásicos da literatura máxica europea.

Esta edición ten ademáis o mérito de incluir as planchas coloreadas de época, recollendo nelas sellos, pentáculos, círculos cabalísticos, imaxes de Santa Xenoveva, etc.

Desta obra só coñecemos dúas traduccións en castelán, ambas de principios do s. XX: a versión publicada polo editor barcelonés Rosendo Pons e a do ocultista madrileño Dr. Moorne, que sen embargo carecen da beleza da edición de Blocquel. 

Dentro do seu texto atópanse diversas fórmulas máxicas, como conxuracións a demonios, aos espíritus que reinan nos puntos cardinais, aos espíritus dos días da semana (Lucifer, Frimost, Astaroth, Silcharde, Bechard, Guland, Surgat), para atopar tesouros egochados e outras.

A continuación inclúe un cúmulo de receitas máxicas, para gañar no xogo, da man de gloria, para viaxar sen cansarse, para que non funcionen as armas de fogo, etc.

Mostra asimesmo da súa antigüidade, dotando a esta obra dunha interese etnográfica indudable, é a recopilación de receitas de gran importancia para unha sociedade rural campesiña: receitas para curar enfermedades tanto dos animais como das persoas; contra febres, mal de cachimonia, fluxo de ventre, sarna, epilepsia, etc. así como fórmulas para a protección de bens e gando contra o lobo.

Edición do «Grande e Maravilhoso Livro de S. Cypriano»

Aproveitamos estes días para seguir traballando no escaneo e maquetación de máis obras raras e orixinais, e hoxe acabamos de publicar en Amazon un novo libro electrónico o n.º 2 da colección Scrinium Mira Librorum.

241

Trátase da obra «Grande e Maravilhoso Livro de S. Cypriano», que fora publicado pola Livraria Popular de Francisco Franco, casa fundada en 1890, de Lisboa (Portugal).

Ata hoxe non había ningunha edición electrónica nin edicións impresas accesibles. Está en lingua portuguesa, conta con 318 páxinas, e novamente está escaneada a toda cor, respectando todo o posible o orixinal, procesado con OCR, índice detallado para navegar polo libro e unha presentación.

Este edición destaca entre as numerosas versións portuguesas pola súa orixinalidade e rareza. É una obra única porque inclúe unha cuarta parte con numerosas receitas máxicas que a relacionan cos grimorios europeos máis populares As Clavículas do Rei Salomón, A Veritable Magie Noire, o Grand Grimoire ou o Petit Albert franceses.

Como decimos esta é a única edición que coñecemos que engade esta cuarta parte á versión portuguesa da Livraría Económica de Lisboa, publicada no s. XIX. As demais edicións portuguesas que se atopan habitualmente son debedoras da versión da Livraría Económica, que consideramos canónica; nas súas primeiras edicións contaba soamente con dúas partes pero a finais do s. XIX foi completada cunha terceira parte. Nela relatábase a historia de Víctor Siderol, un labrego francés que viaxou a Galicia en busca de tesouros por consello do diabo, xunto coa lista de tesouros do Reino de Galicia e o modo de desencantalos.

Nos vindeiros días subiremos tamén outras dúas versións en tapa branda: impresa a cor, ou impresa en blanco e negro. De momento subimos aquí algunhas páxinas de mostra para que poidades ver o resultado