Arquivo por etiquetas: Tor

Entrevista en «Músicos do Miño» Radio Municipal de Tui

https://www.ivoox.com/musicos-do-mino-programa-n-4-audios-mp3_rf_85609320_1.html

Pancho Álvarez dirixe, grava, guioniza e produce esta serie de cinco programas para a Radio Municipal de Tui, sobre músicos e músicas de ambas beiras do Miño. Para o seu programa nº 4, emitido o luns 11 e sábado 16 de abril, xuntounos para conversar con el sobre os nosos inicios musicais, tocar algúns temas en directo…. Podédelo escoitar arriba no enlace.

Moitas gracias Pancho sempre por contar con nós en todos os teus proxectos musicais e radiofónicos e polo cariño que nos amosas que como ben sabedes, é mutuo!

TOR. Votación en Girando por Salas ata o 5 de abril ás 18 h

www.girandoporsalas.com Girando por salas é un circuito de salas de toda España, no que se seleccionan 26 artistas de todos os estilos musicais y se organizan xiras por distintas comunidades.

No plazo de inscrición de grupos, pasaron 739 propostas

A selección faina un xurado profesional, pero como soe ser habitual, hai un momento de votación popular. Agora mesmo e ata o próximo martes 5 de abril ás 18 h ábrese o prazo para votación popular e os 20 grupos máis votados recibirán un punto extra na selección final.

Se vos apetece votar por TOR, podedes facelo rexistrándovos na páxina de girandoporsalas.

Debaixo poñemos unhas instruccións para facelo máis fácil 🙂


1/ Na páxina de www.girandoporsalas.com

 arriba de todo á dereita, pinchades en ENTRAR / REGISTRARSE

2/ Elexides “CREAR UNA CUENTA”

3/ Creades unha conta co voso email, nome de usuario e contraseña, e elexides “Público general”, e pulsades a REGISTRARME.

4/ Recibiredes un email para confirmar o rexistro, pinchades no enlace para activalo, e xa vos leva á páxina de Xirando por Salas, co vosorusuario.

5/ Xa podedes votar pinchando arriba en BANDAS #GPS12    “BANDAS APROBADAS

Sae o listado no que podedes buscar por nome, comunidade, estilo de música….

Una vez atopado o grupos ou solitas que querades votar, pulsade no icono superior da fotografía de VOTAR

Gracias !

José Ramón González de Vilaquinte (Fontes musicais de TOR)

Un dos grandes gaiteiros dos que TOR interpreta temas é Xosé Ramón Fernández. Del incluímos tres muiñeiras e unha marcha procesional no noso CD «TOR-Folk Céltico da Galiza» (Inquedanzas, 2020). A Xosé Ramón, nado en Vilaquinte-Cervantes (Lugo), e emigrado á Arxentina moi xoven, coñecímolo gracias ao gran investigador e antropólogo Norberto Pablo Cirio, que o gravou nos anos 90 naquel país.

Neste vídeo documental que acaba de subir Norberto Pablo Cirio a Youtube, do máximo interese dende o punto de vista musical, antropolóxico e por suposto humano, podédelo ver a partir do minuto 7:56 interpretando unha muiñeira, que nós incluimos no set “Vilar”.

José Ramón González, gaiteiro de Vilaquinte. Foto: Norberto Pablo Cirio, 1997

Norbeto Pablo tamén publicou diversos traballos sobre José Ramón, como este dipoñible en Academia.edu «Recordando a Galicia y Asturias desde Argentina» , que podedes descargar para coñecer máis sobre a súa música e vida.

TOR nos primeiros postos dos TOP40 de Ethnocloud !

Tamos contentos de vos comunicar que TOR co tema «Alboradas» acadou no mes de Decembro o 2º posto da lista TOP 40 tracks-West European en Ethnocloud, plataforma colaborativa dixital de World Music e étnica radicada en Toronto-Canadá.

E na sección de vídeos, ocupamos os postos 3 e 4 no TOP 40 videos-West European nada menos, coas magníficas producións de Beabesada Estudios: «Cachoupiño» e «Argomoso»!

Gracias a todos/as polo voso continuo apoio. A polo 2022 !

https://www.facebook.com/EthnoCloud/

EthnoCloud (@EthnoCloud) / Twitter

http://www.ethnocloud.com

Gaita de cana, TOR na X Gala Arenteira 27/XI/2021

O pasado sábado 27/XI/2021 estreamos por fin a gaita de cana en Eb, do amigo e artesán Pablo Carpintero, un son especialmente agarimoso e delicado.

Con ela interpretamos a Marcha do meu pobo (Manuel Dopazo) e Muiñeira de Modesto Sánchez, na X Gala Arenteira celebrada no Auditorio Municipal Manuel María do Carballiño, organizada por Cer&Ber e o Aparthotel Arenteiro, e retransmitida en directo por Badal Novas.Aquí queda unha das nosas intervencións:

Moitas gracias por contar con nós e felicidades aos galardoados!

Aquí podedes ver a gala completa

O concepto e o deseño de «TOR Folk Céltico da Galiza» (II)

O interior do Digipack

Mentres no exterior, as referencias estéticas son máis galaicas, castrexas, ao abrir o Digipack, comeza a viaxe  e os referentes dispáranse en diversas direccións:

 A BANDEXA do CD

Un dos elementos que da nome ao grupo é o Pazo de Tor (como podede ver na entrada sobre o noso nome). Trátase dunha antiga casa fidalga sita na parroquia de San Xoan de Tor, perto de Monforte (Lugo). Dese pazo saíu a zanfoña coa que gravou nos anos 50 o famoso artesán e intérprete Faustino Santalices os seus discos de pedra. Dentro das moitas marabillas que atesoura no pazo destaca o Labirinto de Tor, que quixemos que tivera presencia dalgún xeito no presente  traballo.

Iste labirinto pétreo foi deseñado no s. XVIII por un arquitecto italiano descoñecido e antigamente formaba un xardín decorativo. Podedes visitar virtualmente os espazos do Pazo aquí

En plena pandemia durante o deseño do CD  estivemos buscando na rede representacións do labirinto axeitadas, e atopamos a que fixo Suso Barral que nos pareceu formidable para a bandexa, o mundo xirando a redor do centro do Laberinto de Tor…

A GALLETA do CD

Démoslle moitas voltas a este deseño, quixemos que fora algo pétreo, que o Kallaiko de Vitrubio estivera tamén xirando nel. Finalmente optamos por un deseño circular proxectado sobre a pedra formosa do castro de Briteiros (Portugal), datada entre 300 e 100 A.C..

As pedras formosas  forman parte da arquitectura monumental nalgúns castros da cultura galaica. Eran grandes lousas de pedra decoradas con diversos motivos e que daban entrada por unha pequena abertura á sauna ou balneario, espazos sagrados destiñados a rituais con auga e lume.

Deste xeito a pedra Formosa do CD, protexida polo Kallaiko de Vitrubio, abre paso a un Outro mundo, o espazo sonoro do proxecto.

O concepto e deseño de «TOR Folk céltico da Galiza» (I)

Coincidindo cos Premios Min e que optamos ao premio de «Mellor deseño gráfico», plantexámonos facer algunhas entradas sobre o deseño do noso primeiro CD e a orixe dos elementos que atopades nel.

A maior inspiración proven do amigo e deseñador Paco Boluda, que realizou elementos centrais do CD como a portada e o Cronobecho. Recomendámosvos encarecidamente que visitedes o seu traballo en Facebook

A PORTADA

A idea forza dos traballos de Paco Boluda é que a estética kallaika é tan potente e propia que se pode presentar, actualizar, acoplar e misturar con calquer outro estilo de arte que nos imaxinemos (renacentista, Art nouveau, maquinismo, steampunk…). Nese sentido debería ser recuperada e reivindicada como produto estético, cultural e mesmo recurso de deseño .

Na portada do Digipack destaca o Kallaiko de Vitrubio, obra de Paco , na que misturando dúas nocións de arte, combinou unha figura moi coñecida como o home de Vitrubio de Leonardo da Vinci e a súa proporción áurea, c.1492, coas estatuas dos guerreiros galaicos, s. V a III A.C. (aos que tamén se lles aplicou a proporción áurea). Ambas son moi representativas de dúas épocas, unha da Idade de Ferro e outra do Renacemento, mais dous conceptos aparentemente moi diferentes que no fondo únense na esencia.

Deseño orixinal de Paco, que despois foi incorporado como símbolo central en TOR

Para a texturación do fondo da capa, tipo pergameo, empregamos a tapa de coiro de año dun tomo antigo do s. XVII, que temos no Arquivo Castro Vicente.

Portada, contraportada e lomo do Digipack enmarcámolas con motivos xeométricos procedentes dunha lousa de pedra de orixe castrexo que apareceu dada a volta facendo o altar da capela de  Formigueiros, Trasalba-Amoeiro, (Ourense).

A tipografía de TOR, marca identificativa do grupo, e do texto “Folk Céltico da Galiza”, extraímola da espectacular lápida fundacional do mosteiro de San Pedro de Rocas (Esgos-Ourense) datada no  573 D.C. (en pleno reinado suevo), que temos no Museo Arqueolóxico de Ourense. Ten ademáis moitas características comúns con tipografías medievais que se teñen espallado no S. XX no imaxinario como arte céltico.

E na contracapa adiantamos xa uns elementos do deseño do Cronobecho que vai no interior.

Cd de TOR xa dispoñible!

Composición de Paco Boluda

Dende o día 10 de agosto xa está dispoñible físicamente o cd de TOR! Recén chegado de fábrica, pasarémosllo á distribuidora este luns e tedes varias opcións para facervos con el:

  • Nos nosos concertos
  • Solicitalo nos puntos de distribución de Inquedanzas Sonoras: tendas de discos e algunhas superficies comerciais (Corte Inglés, FNAC…)
  • Na tenda en liña da distribuidora www.inquedanzas.com ou ao tlf 886115343
  • ou a través da nosa páxina web ou correo tor.celtrad@gmail.com (aquí enviaremos os pedidos a partir do 1 de setembro)