Investigacións e actividades en Música tradicional, Etnografía galega e Artes marciais. Arquivo Castro Vicente, rex. nº 2013/017572-1 Sección 1ª Rexistro Central de Asociacións de Galicia. Este Blog é unha Revista Electrónica cos Dereitos de Autor rexistrados ISSN 2386-9518
Este SÁBADO, a partir das 19:00h, A Sacabeira Café Bar Cultural celebra o MAGOSTO 2023. A festa virá cargada de música , castañas , bolos preñados e boa compañía!
E os Lubicáns estaremos participando a partir das 20:30 h, co noso repertorio habitual das festas ourensás! Esperámosvos!
Onte pasamos unha tarde preciosa en Vilar de Barrio, tocando e danzando repertorio recollido na Limia, e contando historias dos temas, dos instrumentos, acordeóns, bailes agarrados e soltos, e demais liortas entre os curas e a mocidade polos bailes endiañados que traguían os acordeonistas… Encantounos a participación de todas/os, da gusto tocar pro baile e cando a xente disfruta tanto!
Compartimos algunhas fotografías que difundiu o Concello nas redes
Feliz día das Letras e das Músicas Galegas, e gracias a Manolo Conde e ao concello de Vilar de Barrio por contar con nós!
Tamos moi agradecidos a Noe pola súa sempre agarimosa acollida e trato na Arca da Noe en Vilar de Santos o pasado venres.
Foi un concerto moi animado, cun público entregado 🙂 e no que aproveitamos para amosar variedade de temas e instrumentacións, diversos tipos de gaita e percusións, que enriquecen a tímbrica da música tradicional, das que temos recollido nestes case trinta anos de aprendizaxes musicais.
Tamén contamos historias e puxemos algúns audios orixinais de frauta de madeira, acordeón diatónico, e dos músicos de quen tanto temos aprendido e nos inspiran: o Sr. Pepe da Caseta, o Sr. Feliciano Novelle….
Gústanos tocar, gústanos vervos beilar, gústanos contar historias, gústanos escoitalas e gústanos facer que a tradición, a memoria e o espectáculo continúe!
Como tarxeta de presentación subimos a Youtube os pasodobles con que abrimos os nosos concertos, pero podedes ver o concerto completo, con presentacións, bromas incluidas, sen trampa nin cartón, no Facebook da Arca da Noe!
Mañá venres 18 de marzo, imos tocar Os Lubicáns á Arca. Teremos ceia-concerto como ultimamente. Ás 21:30 h cea e a partir das 22:30 h concerto!
Para cear bifes de vitela com molho de cogumelos com nata e de sobremesa as bolachas de Faragullas e MARUXIO_TerraeSal com doce de Carabuñas . O preço: 20 euros (também podes vir sem ceia) . Reserva no 699486282
Faremos un repertorio un tanto mixto, algúns temas de gaita, frauta, tambor, bombo e pandeireta, outros de diatónico e frauta…. Contaremos algunha historia, pero se a xente quere bailar, festa para adiante!
Para o inicio de tempada de actividades por A Galleira e Algaravía, qué mellor que escomezar cunha foliadiña e beilando o repertorio dos nosos benqueridos gaiteiros ourensáns. Pezas selectas de Paco de Escornabois, Faustino Luis do Canizo, Juan Ferreiro de Laroá e tantos grandes músicos que nos precederon!
Estaremos cos Lubicás ofrecendo iste escollido repertorio a partir das 21 h na praza de San Cosme