Muchas gracias a Claudia Carranza, Grecia Monroy y a todo el equipo del Colegio de San Luis, por su amable invitación para ofrecer esa conferencia y toda la difusión que hacen de los estudios sobre narrativa acerca de la tradición sobrenatural.
Podéis acceder a su página y muchas de sus actividades y trabajos en:
https://www.facebook.com/estudiossobrenaturales
https://tradicionsobrenatural.colsan.edu.mx/
Hoy jueves a la noche (a las 12 de la noche hora española peninsular), daremos una charla de una hora aproximadamente sobre el caso de Manuel Blanco Romasanta, el Hombre Lobo gallego, en línea con el Colegio de San Luis, de San Luis de Potosí, México, que podréis seguir con el enlace adjunto.
Seguimos con algúns artigos máis cubrindo o curso na UNED.
Estamos realmente contentos coa acollida deste curso. Ao final 10 horas para tratar todos os aspectos desta figura fánsenos poucas, e quedan moitos puntos apenas esbozados. En próximas edicións intentaremos ampliar algo as sesións.
En todas as sesión intentamos levar material de soporte para a charla e que as persoas asistentes poidan velas. o xoves pasado foron:
-Reproducións de tarros de farmacia alemáns con Axung. Hominis (“graxa humana”)
-Reprodución dunha man de gloria, man dun aforcado cunha vela de sebo humano que, seguindo as instruccións dos grimorios medievais, empregaban os ladróns para entrar e roubar nas casas, xa que provocaba un sono máxico aos sus habitantes.
-Un libro orixinal da Palestra Chymica-Galenica de Félix Palacios de 1730, que incluía entre os compoñentes para elaborar as súas receitas, o unto de home ou cranio de persoa morta violentamente.
Para o próximo mércores día 29, que trataremos entre outras cousas a perspectiva médica e psiquiátrica, levaremos a reconstrucción que fixeron Fernando Serrulla e Marga Sanín, do IMELGA (Instituto de Medicina Legal de Galicia). Gracias aos dous e á Fundación Vicente Rico, por ofrecernola.
Moitas gracias a Isaac Cruz polo seu interese e amabilidade
Onte mércores 15 de marzo comezamos o curso “Manuel Blanco Romasanta. El hombre lobo de Allariz: un acercamiento interdisciplinar” (15 a 30 de marzo).
Realmente estamos moi contentos coa oportunidade de presentar as nosas investigacións sobre Manuel Blanco Romasanta nun ámbito académico e de prestixio, e a sensación desta primeira xornada non puido ser de maior satisfacción.
O curso que discurrirá durante cinco xornadas, está sendo seguido presencialmente no propio salón de actos da UNED Ourense ou ben por internet (en directo ou en diferido) con outros moitas persoas inscritas de outras zonas de Galicia, Cataluña, Asturias, Islas Canarias, Madrid, País Vasco e mesmo Polonia.
Moitas grazas ao director, Jesús Manuel García Díaz, polo seu acollemento e a Luis Gulín Iglesias, por organizalo e dirixir os mandos técnicos de cada sesión.
O mércores 22 seguimos con
. Primeras denuncias y actuaciones, primeras declaraciones después de su detención.
· La inspección de los lugares de los crímenes.
· Marco jurídico en que se produce el juicio a MBR: el proceso judicial, tramitación, pruebas, estrategias de la acusación y de la defensa del caso.
· El final de MBR: conmutación de la pena de muerte por la de cadena perpetua. Traslado a la prisión de Ceuta, vicisitudes y últimos días.
Se alguén quere apuntarse oficialmente, pecharánse as inscrición o día 22.
Tamén podedes asistir de oíntes a algunha das sesións e facernos unha visita, sodes todas/os benvidas/os (Lembrade, nas Torres do Pino, carretera de Vigo, km 7-9) .
https://extension.uned.es/actividad/28861
Moitas gracias tamén aos medios que teñen dado difusión ao curso, máis concretamente Badal Novas, Diario de León, El Bierzo Digital, La Voz de Galicia, La Voz de Asturias, Faro de Vigo y COPE.
Despois de matinar largo tempo sobre como aportar a nosa propia visión ao caso Romasanta, no mes de Marzo impartiremos un curso de Extensión Universitaria na UNED de Ourense cun total de 10 horas sobre Manuel Blanco Romasanta e as nosas investigacións, dende o punto de vista histórico, criminolóxico, da antropoloxía e etnografía.
Centrarémonos especialmente nas distintas vías de investigación que temos levado adiante, podédevos anotar en liña na páxina da Uned; a asistencia ao curso pode ser presencial, en liña en directo, ou acceder posteriormente aos vídeos das clases.
Deixámosvos o enlace e máis o programa
https://extension.uned.es/actividad/28861
Como sabedes, en 2018 escribimos a letra do Cantar de Romasanta para o disco Ribeira Sacra de Luar na Lubre (Warner Music, 2018). Adoptamos a forma de décima, seguindo a estrutura dun antigo prego de cordel orixinal da nosa colección, que se publicou a mediados do s. XIX sobre a historia de Manuel Blanco Romasanta. Vamos, que foi unha magnífica oportunidade de xuntar dúas das nosas paixóns, a investigación sobre Romasanta e a nosa música folk!
Acaba de saír á rúa unha nova versión do cantar pola banda galega de heavy metal ASTAROT, que podedes desfrutar aquí:
Podedes ver tamén a interpretación en directo do tema, na presentación xunto con Luar na Lubre e Marisa Valle Roso que fixemos en xuño de 2018 no Teatro Principal de Ourense.
O sábado 4 de decembro tivemos un roteiro de catro horas dentro do concello de Esgos. O Consorcio de Turismo Ribeira Sacra propúxolle organizalo a Oscar Doviso, amigo, director e produtor do filme «Luarada», e puxémonos os tres a argallar un plan de actividades relacionadas co lobishome de Esgos viable para ese tempo e espazo.
As prazas limitáronse a 10 persoas polo estado actual de pandemia; a mobilidade tíñase que realizar cos vehículos propios dos participantes, e preocupábanos a climatoloxía.
Mais tivemos un tempo espectacular! Desfrutamos moito preparándoo e encantounos compartir e reflexionar con todos os curiosos e estudosos/as que acudistes, a nosa inquedanza por esta historia con tantos puntos de vista diversos: etnografía, crenzas, paixón polo cine, recreación histórica…
Despois de nos xuntar ás 10 h no concello de Esgos, encamiñámonos a Regueiro, pobo de nacencia de Romasanta, a visitar a súa casa familiar, onde transcurriron os seus anos ata que enviudou en 1834.
Dende alí achegámonos á igrexa de Santa Olaia de Esgos, onde nos recibiu o párroco, Yerai Fariñas, quen nos ilustrou sobre o estado do templo naquela época, e tivemos oportunidade de falar da súa familia, inscricións nos libros parroquiais, a vida en Esgos e os oficios ambulantes.
A seguinte parada foi o pobo de Arcos, un dos escenarios do filme, onde Oscar explicou detidamente a elección dos exteriores, como se acondicionou o espazo para a gravación, a preocupación dos produtores de ofrecer unha imaxe fiel da vida, entorno, ropaxes e personalidade das personaxes, e multitude de anécdotas ocorridas alí.
Tras desplazarnos ao mosteiro de San Pedro de Rocas, fixemos un gabinete de investigación na propia Sala da lareira. Como sabedes Rocas é un lugar emblemático pois un criado do prior de Rocas foi unhas das primeiras mortes que os veciños da contorna lle apuxeron a Manuel Blanco.
Alí expuxemos o historial de víctimas; teorías que rodearon o caso: a autoinculpación como lobishome, as crenzas na licantropía na tradición galega, as acusacións dos seus veciños como Home do unto. Amosamos pregos de cordel de lobishomes, chupasangues e sacauntos, así como libros de farmacopea da época, prensa, gravados e a reconstrución de Romasanta realizada polo forense Fernando Serrulla e Marga Sanín. Tamén deu tempo a falar sobre memoria oral e da súa cova na serra de San Mamede, e os descubrimentos sobre a súa morte no Penal de Ceuta e os seus anos na cadea.
Pechamos esta intensa actividade na sala principal coas explicacións de Oscar sobre o filme: como xurdiu a idea, proceso de traballo, os exteriores, e as proxeccións do Teaser, o Trailer (avance), e mesmo dunha escea inédita -a película está en proceso de produción, e apenas se amosou unha parte dela no OUFF 2020: só poderedes velo en actividades exclusivas coma esta-.
Quedamos encantados coa experiencia, continuaremos con máis roteiros sobre Romasanta que iremos anunciando aquí, e non podemos menos que agradecer ao Consorcio de Turismo Ribeira Sacra, e especialmente a Cristina que nos acompañou; ao concello de Esgos e a Camilo; ao persoal de San Pedro de Rocas, e á Deputación de Ourense e Aurelio Gómez, o seu apoio e implicación coa actividade.
Para quen non pudestes vir e vos apeteza achegarvos un pouco á experiencia, podedes volver ver o teaser e o trailer de Luarada aqui 🙂
Arquivo Castro Vicente. Cástor e Félix Castro 