Hoxe 30 de abril daremos un monográfico no Verbum de Vigo sobre os pregos de cordel nos estudos de Vicente Risco, os monstros no prego de cordel, e daremos unhas pinceladas sobre o caso Romasanta dente a tradición oral.
Enlace ao pdf coa presentación do monográfico
Primeiro concerto de TOR en Galicia da temporada!
Reservade o 17 de maio para un concerto nun lugar moi moi especial na Ribeira Sacra, coa presentación de temas do segundo cd «Zira»!
https://turismo.ribeirasacra.org/servicios/espacio-icatu
https://www.facebook.com/ecosdapedra
A adega de Licores e Cervexas Artesanais Icatú é unha antiga escola da aldea Teimende situada en Parada de Sil, Ourense, no corazón da Ribeira Sacra. Tras máis de dez anos, o espazo ténse convertido nun referente da Ribeira Sacra polos seus premios internacionais e como un Laboratorio Artístico de Alquimia Creativa. Máis alá dunha adega, é un sitio de concertos e expo
A fin de semana do 19 ao 21 de xaneiro estivemos de xira por Zamora, Salamanca e Valladolid. A atención e cariño dos organizadores e do público foi inmenso e quedamos moi moi agradecidos, foi unha experiencia inolvidable.
Empezamos o venres 19 ás 20 h no Patio Corsario de Valladolid. É unha sala moi acolledora que ten unhas 120 localidades, dirixida por Jesús e Teresa, e todo o colectivo de Patio Corsario. Está vinculada ao Teatro Corsario, unha compañía de teatro de grande traxectoria a nivel nacional, botade un ollo á súa páxina e as súas montaxes (xeniais os espectáculos de títeres para adultos 🙂 ).
https://www.teatrocorsario.com
Deste concerto apenas temos algún vídeo, se alguén dos que asististes vedes esta nosa páxina, non deixedes de nos pasar imaxes do concerto 🙂
Nas primeiras horas de saír á venda as entradas esgotáronse polo que fixemos un segundo concerto o domingo ás 13 h.
O sábado de mañá recalamos no Museo Etnográfico de Castilla y León, en pleno centro histórico de Zamora, no que agradecemos ao Museo e a Pablo Madrid a organización do evento.
Neste espazo, máis recollido, recibíronnos ademais moitos amigos e familiares de Zamora e Salamanca, que tiñamos moitas gañas que puideran coñecer o noso traballo en directo.
O sábado á tardiña tocamos no Patio interior da Casa Lis de Salamanca, un espléndido Museo Modernista, espacio fermoso como poucos, ao que esperamos voltar pronto para coñecelo e disfrutalo máis de vagar. Moitísimas gracias a María José e Luis, e a Asociación de Amigos da Casa Lis, por organizar ista actuación.
Próximamente compartiremos un vídeo desde concerto íntegro, onde podederedes disfrutar do sonido TOR ao natural coma se estivérades en primeira fila do concerto.
Nestes concertos en interior prodigámonos en anécdotas e sucedidos que gustaron moito, coma a historia de Manuel Blanco Romasanta, o Lobishome galego, ou a do bombardeiro que se estrelou na II Guerra Mundial nos montes de Vilar ao sur de Ourense, e que os gaiteiros de Vilar fixeron unha caixa e un bombo do aluminio daquel avión…
E o domingo volvimos ao Patio Corsario, onde ademais nos acompañou Soco Rúa coa pandeireta, noutro concerto que esgotou as entradas, e que se prolongou cun longo xantar e sobremesa con Jesús, Teresa e o equipo do Patio Corsario. Deu tempo a contar e escoitar moitas moitas historias…
Xa temos gañas de volver!
A pasada fin de semana ofrecemos dous concertos dentro da XVI edición de Folk Canarias na illa de Gran Canaria. O sábado 9 en Aldea de San Nicolás, e o domingo 10 na praza de Arucas, onde compartimos escenario coa Gani Mirzo Band.
Sempre é un luxazo viaxar ás illas, que teñen unha sensibilidade especial no trato, quedamos encantadísimos coa acollida e boa experiencia. Gracias a Miguel Afonso e Folk Canarias eventos, ao Goberno de Canarias, e aos concellos de Arucas e Aldea de San Nicolás.
Ademais convidamos a Guzmán Marqués, violinista fundador de Llan de Cubel, un grande amigo, residente en Gran Canaria dende vai para vinte anos, e foi un auténtico honor para nós.
Deixámosvos unhas fotos que transmiten ben a maxia os momentos vividos.
ARUCAS
ALDEA DE SAN NICOLÁS.
Este SÁBADO, a partir das 19:00h, A Sacabeira Café Bar Cultural
celebra o MAGOSTO 2023. A festa virá cargada de música 
, castañas 
, bolos preñados e boa compañía!
E os Lubicáns estaremos participando a partir das 20:30 h, co noso repertorio habitual das festas ourensás! Esperámosvos!
Quedamos encantados coa nosa participación no festival Folkez Blai de Ermua (País Vasco).
Dun total de 23 participantes, seleccionáronos entre os seis finalistas. Fomos con moitas gañas de tocar o domingo pasado e realmente fixemos un gran concerto, malia que non conseguiramos premio. Sempre é un pracer visitar aquelas terras e tivemos oportunidade de coñecer a Gloria Alezo e Enrique Galdeano de Olmo, tocar de festa con Luis Arias e todos/as os fieras que nos esperaban aló no galpón no medio do monte 🙂
Moitas gracias ao Concello de Ermua por apoiar durante tantos anos (XVIII) a música folk, a Patxi López técnico de cultura e a Gorka Tagle polo acollemento e presentacións, a Iñigo e todo o equipo técnico de luces e son que fixeron un traballo fantástico, a Antonio Martínez de A.C. Radio Crónica Folk Musical Mérida por dar cobertura e visibilidade ao festival, e a todo o público por acercarse ao concerto, eskerrik asko Ermua!
Este domingo 20, Lubicáns en Soutelo, e con cartelería clásica!
Dositeo López de Pobra de Burón (Fonsagrada) é un dos frauteiros dos que aprendemos pezas tradicionais galegas dende a finais dos 90, interpretadas en frauta travesa de madeira.
Este tema que tocamos xuntos foi gravado en Agosto de 2023, é o Pasodobre ou Pasacalles dos Gaiteiriños da Puebla.
Paradiñas, que foi caixeiro dos Gaiteiriños, estrenouse tocando este pasacalles na Fonsagrada no ano 41, saíndo da estación de servicio. Aínda lembra as emocións encontradas da xente, a alegría pola música misturada coas bágoas polas penas e desgracias sufridas, tendo tan recente a guerra civil.
Tamén tocaban este tema os Xemelos de Arquide, un dúo de frautas de chaves moi recordado na zona.
Dositeo López foi caixeiro dos de Maderne durante 3 anos, e toca a caixa, gaita, frauta travesa e clarinete.
O día 4 de agosto estivemos con Alvaro Iglesias facendo gravacións de campo e tomas de frauta que se incluirán no seu 4º traballo discográfico!
Arquivo Castro Vicente. Cástor e Félix Castro 