Arquivo da categoría: Tras as pegadas de Romasanta

Romasanta en Gciencia

gciencia romasanta

O coñecido Portal da Ciencia Galega, GCIENCIA, ven de publicar unha serie de tres artigos divulgativos sobre Manuel Blanco Romasanta, realizados por Manuel Rey, incidindo na biografía da personaxe, o que se sabe del, os crimes que se lle imputaron, o proceso xudicial,  así como diversas hipóteses de traballo que fomos plantexando nas distintas Xornadas MBR de Allariz.

A continuación deixamos os enlaces para quen vos goste lelos, agradecendo novamente a Manuel Rey o interese por difundir estos traballos nun portal de ciencia.

1: o ‘home do unto’ que puido nacer muller

2: A detención, a confesión e o xuízo

e 3: A morte e os misterios sen resolver

 

“O comercio de graxa humana” en Cuarto Milenio. Cuatro TV

 

 

O pasado domingo día 17 de xullo de 2016 “Cuarto Milenio” emitiu unha reportaxe de Natalia Monje e Francisco Pérez sobre o comercio de graxa humana, baseada nas nosas investigacións e nos estudos de Luis Giadás. Fixéronnos con tal propósito unha pequena entrevista onde lles relatamos as referencias ao uso desta substancia nos repertorios de farmacopea e industriais, casos reais citados nos boletíns de xurisprudencia ou na prensa do s. XIX (Cambados, Soutochao…) e mesmo recibos por graxa humana que aparece no arquivo do Real Sitio de Aranjuez. Tamén falamos da regulación que había en Alemaña sobre o comercio de unto, monopolio dos verdugos, sobre o que xa fixemos unha pequena entrada no noso blog, e que atopamos por primeira vez nos estudios sobre o Pishtaco peruano da Dra. Rosario de Prybil, da Universidade de Viena.

Para os que madrugades e non puidestes ver a reportaxe, deixámosvos o enlace aquí arriba.  As dramatizacións con que adoban a historia son para o noso gusto un tanto truculentas -O proceso de extracción da graxa que recolle a prensa histórica e libros de farmacia realizábase mediante a cocción dos corpos, e non coincide exactamente co que se amosa no vídeo-. Nós particularmente preferimos quedarnos coa parte de investigación, sempre apaixoante, pois nunca se sabe onde acharemos a seguinte peza do puzzle.

 

NOTA: Avisamos de que Mediaset España bloqueou o noso vídeo. Sorprende que impidan que publicitemos de xeito gratuito e sen ánimo de lucro a nosa aparición no programa, cando a cadena televisiva fai un uso lucrativo da nosa participación, documentación e investigacións. Paradoxas da vida

Mentres se solventa a situación podedes ver o programa na propia páxina de Cuatro, pinchando na seguinte imaxe (a reportaxe aparece no minuto 1:04:52 a 1:28:52). Iso sí, a plataforma de mitele é un tanto molesta pois vése entorpecida con numerosa publicidade

 

la guerra del agua

Tamén podedes acceder ao programa no seguinte enlace

 

V Xornadas Romasanta en Allariz, 30 e 31-X-2015

folheto-romasanta2015

Esta fin de semana terá lugar a quinta edición das Xornadas sobre Manuel Blanco Romasanta en Allariz (Ourense). Desta vez amplíase a temática cara o fantástico, con microrrelatos de terror, e a participación de escritores nas mesas redondas.

Manuel Blanco Romasanta, alcumado “O do unto”, fora acusado polos seus conveciños de asasinar ás vítimas para comerciar coas súas graxas nas boticas da provincia.  Por ista razón, as conferencias neste ano céntranse no tema dos saca untos como figura mítica ou real, e o emprego do corpo humano como medicamento na medicina e farmacia no s. XVIII e XIX.

30-X-2015

20:30 h “O corpo humano entendido como farmacia“. Anastasio Rojo Vera, catedrático de Historia da Ciencia, Universidade de Valladolid

22 h (praza maior) Lectura de microrrelatos de terror.

31-X-2015

11 h en adiante Mesa redonda e debate  ca participación de Antonio Roma, Consuelo Castro e Cástor Castro

17:30 h en adiante,  Mesa redonda e debate ca participación de Fernando Serrulla e Félix Castro

19 h “Os boticarios como sacauntos“, Luis Antonio Giadás Alvarez, profesor de Ensino Secundario no IES Ponteceso, conferenciante e investigador

20 h Debate entre participantes

21:30 Filme “Sweeny Todd O barbeiro demoníaco da Rúa Fleet“.

Presentación “A causa contra Manuel Blanco “O home lobo”: Expediente xudicial da Audiencia Territorial da Coruña”

libro causa mbr

 

O pasado luns 8 de xuño tivo lugar a presentación do Libro “A causa contra Manuel Blanco “O home lobo”: Expediente xudicial da Audiencia Territorial da Coruña” na propia sede do Arquivo do Reino de Galicia en Coruña.

Acercámonos ata aló como interesados no caso, e queremos antes de nada agradecer a Carmen Prieto, directora do Arquivo, as atencións que ao rematar a presentación nos deu e a visita ao Arquivo e laboratorio, sumamente interesante.

A obra en cuestión é a edición da reprodución facsimilar do exemplar conservado no Arquivo do Reino de Galicia da Reseña da Causa formada no xulgado de Allariz distrito de A Coruña contra Manuel Blanco Romasanta, o home lobo, por varios asasinatos… publicada en 1859, xunto cun CD ca copia dixital do expediente xudicial orixinal que figura no mesmo Arquivo.

Para os interesados no caso MBR é unha obra imprescindible, xa que achega ao público os documentos orixinais da causa. A reseña, publicada no seu día polo avogado defensor Rúa Figueroa, é un resumo moi ben fiado dos feitos máis salientables, xunto con alegatos e intervencións do fiscal La Bastida e o avogado defensor Rúa Figueroa. Acompáñase tamén de dous estudos contextualizadores de Miguel Angel Cadenas, presidente do Tribunal Superior de Xustiza de Galicia, e da propia Carmen Prieto, directora do ARG.

Máis a dixitalización a toda cor do expediente xudicial completo (uns 1.700 folios)  permitirá aos estudosos e curiosos bucear nas profundidades deste complexo expediente.
 
50459-1-1ªPieza.Juzgado.Allariz-1(1)

 

O interese pola causa evidénciase na multitude de copias dos documentos emitidos polo ARG: Na última década (dende 2003) como explica Carmen Prieto no libro, realizáronse 7.778 copias en papel e 5.942 copias dixitais. Máis sorprendeunos o feito de que a única copia íntegra da causa foi solicitada por nós no ano 2012, como nos comentou particularmente a propia directora.

 

Foto: Marcos Míguez. La Voz de Galicia 9-6-2015

Foto: Marcos Míguez. La Voz de Galicia 9-6-2015

A presentación correu a cargo de Anxo Lorenzo, secretario da Consellería de Cultura da Xunta de Galicia, Miguel Angel Cadenas e Carmen Prieto.

Enlace a mixcloud aquí

III Xornadas Romasanta en Allariz, 1-1-2013

Estamos empezando a subir para toda a xente interesada na temática, os vídeos (ou audios para quen o prefira) cas comunicacións das III Xornadas sobre Manuel Blanco Romasanta “O lobishome de Esgos”, que coorganizamos en Allariz xunto ca Fundación Vicente Risco o 1-11-2013, que como lembraredes este ano estaban enfocadas dende o punto de vista antropolóxico.

“O lobishome: Un tema histórico-relixioso” pola historiadora Mar Liñares (USC Facultade de Xeografía e Historia)

“Romasanta no contexto cultural galego e europeo” polo antropólogo Xosé Ramón Mariño Ferro (USC departamento de Filosofía e Antropoloxía Cultural)

Que o disfrutedes,