Tamos contentos de vos comunicar que TOR co tema «Alboradas» acadou no mes de Decembro o 2º posto da lista TOP 40 tracks-West European en Ethnocloud, plataforma colaborativa dixital de World Music e étnica radicada en Toronto-Canadá.
E na sección de vídeos, ocupamos os postos 3 e 4 no TOP 40 videos-West European nada menos, coas magníficas producións de Beabesada Estudios: «Cachoupiño» e «Argomoso»!
Gracias a todos/as polo voso continuo apoio. A polo 2022 !
https://www.facebook.com/EthnoCloud/
O pasado sábado 27/XI/2021 estreamos por fin a gaita de cana en Eb, do amigo e artesán Pablo Carpintero, un son especialmente agarimoso e delicado.
Con ela interpretamos a Marcha do meu pobo (Manuel Dopazo) e Muiñeira de Modesto Sánchez, na X Gala Arenteira celebrada no Auditorio Municipal Manuel María do Carballiño, organizada por Cer&Ber e o Aparthotel Arenteiro, e retransmitida en directo por Badal Novas.Aquí queda unha das nosas intervencións:
Moitas gracias por contar con nós e felicidades aos galardoados!
Aquí podedes ver a gala completa
Deixamos aquí algúns vídeos máis do concerto no Teatro Coliseo de Eíbar o pasado 22/X/2021 cos colaboradores, unha experiencia marabillosa, incluindo os bises, uns temas vascos aprendidos nesa semana para poder ofrecelos ao público de Euskadi! Eskerrik Asko!
Este sábado terá lugar durante todo o día en Niñodaguia, centro ben coñecido da Olaría galega, unha fornada tradicional nos fornos antigos onde se elaboraban as pezas antigas.
Aproveitaráse para gravar o programa da TVG «Inimitables», coa intervención de varios grupos musicais ao longo do día, en directo ou en playback. Pola mañá participaremos TOR acompañados de Angel Ruiz banjo!
Moitísimas gracias á Casa de Galicia As Burgas e ao concello de Eibar por contar con nós para a celebración «Galicia en Eibar» que tivo lugar esta fin de semana, e especialmente a Poxpolo, Marisol e Luis Arias.
Foi un concerto fermosísimo compartindo esceario coa agrupación Os Galaicos, nada menos que dúas horas e carto de concerto que se fixeron cortas ! 🙂
Desfrutamos moítisimo, sentímonos moi acollidos tanto pola agrupación como polo técnicos do Auditorio, e o público en xeral.
Gracias tamén a Joseba Arrutia-Arno por estas magníficas fotografías que compartimos hoxe
Eskerrik asko! Esperamos volver cedo a Euskadi!
Comprácenos anunciarvos que actuaremos dentro dunha semana no Teatro Coliseo de Éibar o vindeiro venres día 22 de outubro ás 20 h. A primeira saída do grupo fora da Galiza!
Será TOR con convidados moi especiais, Pancho Alvarez ao violino, Angel Ruiz ao banjo, Soco Rúa coa pandeireta e Lucía Cedrón e David Leadbeater de parella de baile.
E ademais, a agrupación Os Galaicos de Éibar.
As entradas xa están á venda en:
Folk kontzertua: Tor folk + gonbidatuak + Os Galaicos – Kulturklik (euskadi.eus)
Concierto Folk: Tor folk + invitados + Os Galaicos – Kulturklik (euskadi.eus)
Estamos emocionadísimos e seguro que será un concerto precioso!
Precioso concerto o sábado 25 no centro Cívico Parada Justel de Esgos (Ourense). Desfrutamos moito acompañados cos maravillosos/as Angel Ruiz Banjo, Soco Rúa pandeireta, Lucía Cedrón e David Leadbeater baile. Moi arroupados cun público entregadísimo 
Moitas gracias a Camilo Rodríguez, ao concello de Esgos e o seu alcalde Mario Rdríguez, e á rede de Auditorios da provincia de Ourense, por coorganizar este concerto.
Deixámosvos un vídeo gravado polo amigo Ricardo Coronel, un pupurrí dos novos que preparamos nos propios directos: Muiñeiras de Ambite, das Duruchas (composición de Xosé Liz), e de Vilarmide (do repertorio de Desiderio )!
Mellor escoitádea con auriculares
Mañá sábado 25 en Esgos (Ourense), TOR e convidados!Participarán con nós Angel Ruiz banjo, Soco Rúa pandeireta, e Lucía Cedrón e David Leadbeater, baile,
Esperámosvos
Comprácenos moito anunciar que o filme Luarada de Oscar Doviso-Zinemusik, en fase de produción, foi seleccionado para a súa presentación en Sitges, como o propio director anunciou hoxe mesmo nas redes:
Tremendamente contentos de poder amosar o noso proxecto nun festival tan prestixioso e desexado coma o SITGES Festival Internacional de Cinema Fantàstic de Catalunya, no que estaremos dentro da sección “Coming soon”. Desta volta, a nosa visión sobre #Romasanta, non vai deixar indiferente a ninguén. #CinemaGalegoZinemusiK | Escena Sonora Producción Cultural S.L. | Deputación de Ourense | Inorde | Ourense Film Festival | Concello de Esgos | Concello de Allariz | Concello de Vilamarín | Tripede | Tape Sons | Alfonsín Digital Lab | Tipi Broadcasting | Agadic | TVG
Moitísimas felicidades a Oscar Doviso e todo o seu equipo por ese gran paso na promoción e producción.
Como sabedes, Alvaro Iglesias está facendo a BSO do filme xunto coa colaboración de TOR, e estamos encantadísimos de que a nosa música forme parte desde gran traballo!
Mentres tanto podemos seguir disfrutando do single co adianto da BSO que xa está dispoñible en Spotify 🙂
Arquivo Castro Vicente. Cástor e Félix Castro 